ԱՔՀԿ նախագահ Արեգ Քոչինյանը Հանրային հեռուստաընկերության «Հանրային քննարկում» հաղորդաշարի շրջանակներում խոսել է հայ-թուրքական և հայ-իրանական սահմաններին ՀՀ ԱԱԾ ներկայության ապահովման և այդ որոշման հետևանքների մասին։
Քաղաքագետի պնդմամբ՝ երկրի ինքնիշխանության կարևորագույն ցուցանիշներից մեկը սեփական սահմանները պաշտպանելու կարողությունն է։ Վերջինս առաջարկում է բարեփոխումների միջոցով սահմանապահ ուժերն անջատել ՀՀ ազգային անվտանգության ծառայությունից, և այն համալրել որևէ այլ կառավարական վերահսկվող մարմնով։
«Արևմտյան մեր գործընկերների հետ պետք է լրջագույն խոսակցություն սկսել Հայաստանի սահմանպահ ծառայության բարեփոխումների անցկացման և նրանց կարողությունների բարելավման համատեքստում, որի փորձն ի դեմս հարավկովկասյան երկու պետությունների՝ Վրաստանի ու Ադրբեջանի, նրանք արդեն ունեցել են»,-հավելում է Արեգ Քոչինյանը։
