Անվտանգային հարցերին նվիրված «Դիլեմա» փոդքասթի հաջորդ թողարկման մեջ այս հարցերը վերլուծում են «Ժողովրդավարության զարգացման հիմնադրամի» ծրագրերի ավագ ղեկավար Տաթևիկ Խաչատրյանը, «Իրազեկ քաղաքացիների միավորում» ՀԿ ծրագրերի համակարգող Դանիել Իոաննիսյանը և «Անվտանգային քաղաքականության հետազոտական կենտրոնի» ղեկավար Արեգ Քոչինյանը:
🔹 Ի՞նչ կապ կա ժողովրդավարության և անվտանգության միջև:
🔹 Իսկ ո՞ւմ անվտանգության մասին է խոսքը:
🔹 Արդյո՞ք ժողովրդավար պետություններն ավելի արդյունավետ են:
🔹 Ի՞նչ դասեր կարելի է քաղել ռուս-ուկրաինական պատերազմից:
🔹 Արդյո՞ք Հայաստանում տարածվող նարատիվները Ռուսաստանից են սնվում:
🔹 Հայաստանը կարո՞ղ է ժողովրդավար լինել` մնալով ԵԱՏՄ և ՀԱՊԿ կազմում:
Տաթևիկ Խաչատրյան
«Որպեսզի ավելի լայն բացահայտենք խնդիրը՝ պետք է նայենք երկու հիմնական հասկացությունների մեջ. Ի՞նչն է անվտանգությունը, ի՞նչ է ժողովրդավարությունը, և հասկանանք՝ որտե՞ղ են իրենք բախվում կամ որտե՞ղ են իրար հեռացնում»։
Դանիել Իոաննիսյան
«Մենք պետք է էֆեկտիվ պետություն կառուցենք, իսկ եթե ժողովրդավարություն չեղավ՝ էֆեկտիվ պետություն այստեղ չի լինի և չի կարող լինել»։
