Հուլիսի 2-ին տեղի ունեցավ Հայաստանում հավատարմագրված դիվանագետների հետ հանդիպում, որի ընթացքում քննարկվեցին տարածաշրջանային զարգացումները և Հայաստանի արտաքին քաղաքական օրակարգի առանցքային հարցերը։
Հանդիպման առանցքում էին հայ-ադրբեջանական և հայ-թուրքական հարաբերությունների կարգավորման գործընթացները, խաղաղության հեռանկարներն ու առկա մարտահրավերները։ Քննարկվեց նաև Հայաստանի և Ռուսաստանի միջև ներկայիս հարաբերությունների վիճակը, ինչպես նաև դրանց ազդեցությունը տարածաշրջանային անվտանգության և քաղաքական գործընթացների վրա։
